Shooting Competitions - Skietkompetisies

14 January 2013

Mees Veelsydige Skut 2013.

Hierdie kompetisie word soos in die verlede deur Safari & Outdoor geborg en vind op 23 Februarie 2013 plaas. Daar sal verseker weer strawwe mededinging wees vir die gesogte titel as die SA Jagters se Mees Veelsydige skut. Slegs 150 inskrywings word toegelaat en die sluitingsdatum is om middernag 14 Februarie 2013.

Belangrik: Vir meer besonderhede en die inskrywingsvorms, lees asb die meegaande dokumente noukeurig. Daar is 'n paar wysigings by sommige van die skietoefeninge.  Let veral op die veranderinge by die Handwapen- en die Vlakvarkskietoefening.

Attachments:

Handwapen_Toegelate gebruik van skietstokke vb1.jpg	158 Kb
Handwapen_Toegelate gebruik van skietstokke vb2.jpg	149 Kb
Inskrywingsvorm MVS 2013.pdf	7 Kb
Mees Veelsydige Skietkompetisie 23 Februarie 2013.pdf	164 Kb
MVS Safari & Outdoor Borgskap 2013.pdf	8 Kb

Written by Hercules Louw | 31 July 2012

Nasionale Intertak Spanskiet 2012

Aangeheg die finale resultate vir die Nasionale Intertakspanskietkompetisie op 18 Augustus 2012 te
Vrystaat Sandveld skietbaan naby Soutpan. Die gasheertakke was Bloemfontein en Vrystaat Sandveld. Baie dankie vir julle harde werk, gasvryheid en die suksesvolle dag.
 
Baie geluk aan Oos Rand wat die dag gewen het. Gawie en sy span het dit in styl gedoen.
 
Borgskappe: Nikon het R27 490 se produkte geborg vir die wenners en Safari & Outdoor het geskenkbewyse ter waarde van R5 000 geborg.

• Elke lid van die wenspan het 'n Nikon 550AS Laser afstandmeter en 'n geskenkbewys van Safari en Outdoor ontvang.
• Elke lid van die tweede span het 'n Nikon  EX 8x42 Sporter verkyker en 'n geskenkbewys van Safari en Outdoor ontvang.
• Elke lid van die derde span het 'n Nikon Coolpix S4150 kamera ontvang.

Attachments:

Nikon 550AS Laser Range finder.pdf	121 Kb
Nikon Coolpix S4150 specifications.pdf	139 Kb
Nikon Coolpix S4150.jpg	41 Kb
Nikon Sporter_EX_8x42.pdf	91 Kb
SAJWV Spanskiet 2012 uitslae Bosveldtabel.pdf	12 Kb
SAJWV Spanskiet 2012 Uitslae Totaal.pdf	12 Kb
SAJWV Spanskiet 2012 uitslae Vlaktetabel.pdf	12 Kb

10 April 2012

SAJWV: Nasionale skietkompetisies vir 2012

1. Die Nasionale Intertak Spanskietkompetisie vind plaas  op 18 Augustus 2012 op die Vrystaat Sandveld skietbaan te Soutpan ongeveer halfpad tussen Bloemfontein en Bultfontein. Die Bloemfontein en Vrystaat Sandveld takke is die gesamentlike gasheertakke vir die geleentheid. Clocolan met die pragtige Elerbeck skietbaan was sterk oorweeg, maar die verdere verswakking van al die toegangsroetes en die skade aan buitebande wat van ons lede in die verlede al opgedoen het, het die alternatiewe skietbaan genoodsaak.

2. Die Nasionale Presidentskietkompetisie vind plaas op 29 September 2012 op die Genl Piet Joubert skietbaan noord van Pretoria. Die gasheertak is Pretoria Oos. Die prysuitdeling sal na die tyd by SA Jagters se hoofkantoor (Inyatipark) plaasvind.

Die nasionale Luggeweer skietkompetisie vir juniors onder 13 en die nasionale 22 Randslag skietkompetisie vir juniors onder 18 vind ook plaas op 29 September 2012 op die Genl Piet Joubert skietbaan.

Verdere reëlings vir bogenoemde skietkompetisies volg gedurende die tweede helfte van Julie 2012.

Vriendelike groete,

Written by Hercules Louw | 21 February 2012

Mees Veelsydige Skut skietkompetisie - resultate.

Die kompetisie is met groot sukses deur Oos-Rand tak aangebied. Baie dankie aan Gawie en sy span vir al die harde werk en goeie organisasie.

Safari en Outdoor, julle borgskap het die dag gemaak en grootliks daartoe bygedra dat die kompetisie baie straf was. Baie dankie vir die groot ondersteuning.

Jan Taljaard het die dag gewen en Flippie van Tonder was saam met Adriaan Rudolf in die tweede plek. Werner Hamman het die derde plek behaal. Linda Marais het die eerste plek in die dames afdeling behaal, en Michelle Yssel was eerste van die juniors, sowel as tweede onder die dames. Baie geluk aan julle met die prestasies.

Die volledige resultate is onder die Scoreboard - Telbord gepubliseer. Teken asb aan om te besigtig. 

Die fotos hieronder is deur Adré Human verskaf.

Die deelnemers het al vroeg-oggend opgedaag vir die registrasie.

Daar word tou gestaan om die Safari geskenkbewys te ontvang.

Ek wonder hoe dit vandag sal gaan.

Hier word nou ernstig geskiet.

Nou waar is daardie 6de skoot heen?

Toemaar ou maat, probeer maar volgende jaar weer.

Adriaan Rudolph wat gesamentlik tweede plek behaal het, in sy skietbakkie. Wat sy prestasie meer uitsonderlik maak is die feit dat hy 'n gestremde skut is.

Is dit regtig al punte wat ek gekry het? 

Hierdie simpel skietstokke het dan nie eens hake nie!

 Na so 'n lang en warm dag is die bier darem baie lekker.

Michelle Yssel die wenner van die Juniors, sowel 2de plek in die dames afdeling.

Adriaan Rudolph, mede wenner van die Jag Handwapen, Grootkaliber en algeheel 2de plek, ontvang die wisseltrofee vir die Grootkaliber kompetisie wat hy nou vir 6 maande moet oppas.

Jan Taljaard, die algehele wenner van 2012 se MVS kompetisie.