SA Hunters National Site / SA Jagters Nasionale Blad

Home

Rhinos Alive

Written by Prof Gerhard Verdoorn | 11 June 2012

Rhinos Alive Veldtog

Twee van Suid-Afrika se grootste vervaardigers van landboumiddels het onlangs elk ’n bedrag van R100,000 aan die SAJWV se Rhinos Alive veldtog geskenk.

Tom Fraser, uitvoerende hoof van die Villa Crop Protection en Exportos groep van maatskappye, en die uitvoerende direkteur van Villa, Dr André Schreuder, het dié aankondiging gemaak, nadat die Adjunk President van die SAJWV, Dr Gerhard Verdoorn, ‘n kort voorlegging oor die SAJWV se veldtog by Villa/Exportos se direksievergadering in Kaapstad gedoen het. Meeste van die direkteure is ook eienaars van wildplase en deel die Vereniging se ernstige kommer oor die renostersituasie.

Written by Administrator | 21 September 2011

7de LAAN-KYKERS

In die konteks van die Rhinos Alive-veldtog gee Tinyarhi Bewaringsinisiatiewe, die bewaringsarm van die Suid-Afrikaanse Jagters- en Wildbewaringsvereniging, aan elke donateur wat R100 of meer in die fonds stort, ‘n belastingkortingsertifikaat (die bedrag kan dus van ‘n person se belasting afgetrek word). Ons stuur ook saam met die belastingsertifikaat vir die donateur 2 plakkers (A5 grote) met die Rhinos Alive logo daarop en met die woorde “I support the Rhinos Alive Campaign” daarop gedruk.

Die fondse wat die Verenging vir die veldtog insamel word netso in die rekening van die Veterinêre Genetiese Laboratorium by Onderstepoort inbetaal (ons het ‘n geskrewe ooreenkoms met Tukkies dat hulle geen administratiewe kostes of bankkostes van sodanige bydraes sal aftrek nie, en dat die geld slegs vir aanwending deur die VGL benut sal word)

Written by Dr Herman Els | 18 November 2011

Bewaringsliggaam gee laksheid in regeringskringe skuld vir smokkelhandel in renosterhoring

PRETORIA – Die Minister van Omgewingsake en regeringamptenare moet die skuld kry vir die groot besending van 33 renosterhorings en ivoorprodukte met ‘n geraamde waarde van R18 miljoen wat in ’n vraghouer na Hong Kong gesmokkel is.

Die SA Jagters- en Wildbewaringsvereniging (SAJWV) het die waaksaamheid van amptenare in Hong Kong geprys, maar verkwalik die Minister omdat sy toelaat dat Suid-Afrika se natuurerfenis vernietig word. ‘Suid-Afrika is die enigste plek waar renosters nog vryelik kan rondloop en hierdie rare voorreg sal binnekort iets van die verlede wees indien nasionale en provinsiale regerings sou voortgaan om bewaring as ’n lae prioriteit te beskou,’ sê dr. Herman Els, bestuurder van jag en bewaring by SA Jagters.

Written by Administrator | 21 September 2011

SA Jagters se Rhinos Alive-veldtog: Wesrandtak rig uitdaging

22 September 2011 is Internasionale Renosterdag - ’n dag wat deur die World Wildlife Fund (WWF) gemerk is om gewaarwording onder alle belanghebbendes en regdenkendes te skep dat lewendige renosters baie meer werd is as renosters wat slegs vir die gebruik van hulle horing dood gemaak word.

Om die klemplasing van hierdie dag verder te bevestig het SA Jagters en Wildbewaringsvereniging (SAJWV) se Wesrandtak ’n bedrag van R11,000 aan die Onderstepoort Veterinêre Laboratorium (VGL) geskenk. Die fondse is bedoel om die VGL te help om DNS-versamelstelletjies aan te koop waarmee renostereienaars die DNS van alle renosters wat in die land gevang, geskuif of gewoon verdoof word kan versamel sodat dit op die RhODIS renoster DNS-databasis by die laboratorium geplaas kan word.