Skiet Aktiwiteite

Sommige jagters dink dat die skiet van ’n paar skote op die skietbaan na ’n papierteiken vanuit bv. ‘n gemaklike posisie sitposisie oor ’n skietbank, voldoende voorbereiding vir ’n jagtog is. Lees hier meer oor praktiese skietvaardighede vir jagters.

SA Jagters bied ‘n groot verskeidenheid jag, haelgeweer en sportskiet oefeninge. Ons bied ook skietoefeninge pasgemeek vir junior lede aan. Lees meer hier oor al die skietoefeninge en reëls daarvoor wat by SA jagters aangebied word.

Die skietoefeninge van die SA Jagters is ontwikkel om verskillende jagomstandighede op verskillende spesies met verskillende jagwapens so prakties moontlik op ’n skietbaan na te boots. Lees meer hier oor die skietaktiwiteite.

Ongelukkig - maar met goeie rede - vir vandag se kinders én volwassenes is daar streng wetgewing (Vuurwapenwet) wat die afvuur van selfs luggewere, verbied in beboude gebiede (stede, dorpe ens.). Lees meer hier oor die skiet- en ander aktiwiteite wat vir kinders by die takke van die SA Jagters aangebied word.

Elke SA Jagters tak het toegang tot een of meer skietbane waar  tak lede op ‘n gereelde basis tydens georganiseerde tak-skietdae aan skiet-aktiwiteite kan deelneem.  Leer gerus meer hier oor skietbane by takke.

Die oomblik wat ’n jagter sy vuurwapen op ’n dier rig met die doel om dit te dood, het hy/sy die verantwoordelikheid om ‘n “eerste skoot, doodskoot” elke keer doelgerig na te streef en te bereik. Lees hier meer oor die handleiding vir Skietvaardigheidsontwikkeling vir Jagters.

“Skietbaanveiligheidsreëls vir Deelnemers” en “Standaardbevele op die  Skietbaan” is vanaf 1 Oktober 2013 verpligtend op alle skietbane wat deur takke van die SA Jagters bedryf word. Skietbaan veiligheid en standaardbevele kan op hierdie blad afgelaai word.