Back to map Hartbees

Potchefstroom

Chairman / Voorsitter
Johan van der Walt (082 571 6414)
This email address is being protected from spambots. You need JavaScript enabled to view it.

Algemene nuus

Kommunikasie met lede: Ons gebruik mie meer die SMS-stelsel nie omdat dit te duur is om te onderhou.
Die bestaande WhatsApp-groep word gebruik om inligting deur te gee. 
Kontak bestuur of ander lede op die groep sodat hulle u uitnooi om by die groep aan te sluit.
Lees ook die gereelde maandelikse nuusbrief wat SA Jagters se uitvoerende hoof, Fred Camphor, uitstuur.
Dit bevat belangrike algemene inligting. Al sy nuusbriewe is ook op die webwerf beskikbaar.

Skietaangeleenthede

Die nasionale skietkompetisies is goed op dreef. Hiermee ʼn aantal uitslae:
Nasionale President Spanskiet:
Hartbees A eindig 16de landwyd. Baie geluk!

Individuele Presidentskietkompetisie:

Johan van der Walt en Hannes de Kock het Platinum-toekennings verwerf.
Carel Erasmus het ʼn vierde plek behaal onder die seniors.

MDS
Meyer du Plessis het ‘n derde plek gekry in sy kategorie.

.22 Nasionale skiet by Welkom
Ettiene Delport en Jan de Kock is uitgenooi en hulle skiet eersdaags. Baie sterkte.

Opleiding
‘n Toegewyde Jagterkursus word beplan vir 20 November (teorie) en 27 November (prakties).
Skakel kontak Johan Oelofse by 082 446 2262 vir meer inligting oor opleiding.

Skietbaan- en skietaangeleenthede

Dankie aan al die persone wat bygedra het tot die ryding vir die baanopsigter. Sy is nou weer mobiel.
Sien gerus ons webblad vir ‘n foto waar die Nissan bakkie oorhandig is.

Die skietbaan is weer oop vir lede. Neem asb. kennis dat die toegangprotokol tot die perseel verander het.
By die hoofingang moet al die skuts/lede/insittendes die voertuig verlaat en hulle voete dip.
Daar is ‘n boek wat ook ingevul moet word by die hek.
Die plaas se personeel gaan die voertuig se pedale en plekmatjies ook spuit met ‘n ontsmettingsmiddel.
Laasgenoemde se prosedures is nie onderhandelbaar nie!
Lede wat versuim om die prosedure te volg, sal toegang geweier word.
Bestuur sal optree teen persone wat die versoek verontagsaam om sodoende die gebruik van die baan te beskerm

Daar was ook ‘n geval waar ‘n skut stene op die baan verwyder en daarna skiet.
Dit is onaanvaarbaar. Lede met meer inligting oor sulke voorvalle, word versoek om dit met die bestuur te deel.
Ons sal ʼn lid se baanfooi vir twee jaar borg indien ons die skuldige vastrek met die inligting wat ʼn lid verskaf oor sodanige gedrag.

Baanfooie
Tydends die Algemene Jaarvergadering is die baanfooie vir 2022 verhoog. Dit is die eerste verhoging in drie jaar, en tree op 1 Februarie in werking.
Die datums van vergaderings, skietdae, en opleiding is op die webblad by www.hartbees.co.za.
 Die nuwe baanfooie vanaf 1 Februarie 2022 is R450 vir lede, en R350 vir seniors. Die prys van koepons bly dieselfde teen R100 per koepon.

Koepons en baanfooie (kontant) is beskikbaar by:
Lektratek Water Tegnologie, 22b Forsmannstr, Potchindustria.

EFT kan soos per webblad gedoen word.
Koepons is ook beskikbaar by Advance Gunsmithing, CFJ du Plessis gebou, Walter Sisulu-laan 390, Potchefstroom.
Ons is besig met die beplanning vir die uitbreiding van MDS bane. Bestuur is baie opgewonde en meer inligting volg binnekort.

Internet

Die tak het nou ook ʼn Facebook-blad met inligting oor takvergaderings, tak-skietdae, promosies en allerlei inligting.
Alle inligting is beskikbaar by www.hartbees.co.za 
Lede kan advertensies op die webtuiste plaas. Skakel die webmeester vir meer inligting.